رسائل حب وعتاب

من طرف **مهند كتانة** الأحد فبراير 21, 2010 5:44 pm

كلامك يبكيني
وحنانك يتخلل شراييني
ترا مابنساك
وانت والله على راسي وعيني

ياقلبي ياابو الاوجاع
تعبني نبضك
وكلي لك بانصياع
طلقني ياوجع
وارمي علي
يمين رجل شجاع
تعبت ياناس
تعبت اكابر
والعمر ولى منى وضاع
شيلوا اهتي من صدري
نشدتكم بالله
اللي اتحمله ماتحمله أسود وسباع

في ضيقي جيت ببالي
وبتمنى مافرح
وتظل دوووووووووم بخيالي
تعبانة ياالغالي
ذبحني الوجع
وماحدا داري بحالي

وينك يلي دوووووووم عالبال
بعدك طال
لا خبر ولا مسج
ولا حتى رنة جوال

أرشلك عطر..
واخبيك بضلوعي والصدر..
وأبكي على فراقك كأنه دهر..
اشتقتلك يابعد روحي والنظر..
أذكرني
تراني طبعي الوفا
ياأعز البشر..
اقدرك واعزك طول العمر

ليت النوم ماداعب جفوني..
ولا التعب والوجع داهموني..
اللي عنك أبعدوني..
أبوس قلبك وروحك..
يابعد نظر عيوني..
لا تروح وتخليني..

دمعي على وسادتي سكايب..
من وجعي
وبعد الحبايب..
أبكي ياعين..
أصبر ياقلب ذايب

حبيبي..
أناديك..
لبي ندائي..
أناجيك..
ارحم رجائي..
حبيبي..
أتدثر فيك..
فلا تكشف غطائي

أضمك بضلوعي..
وتشاركني فرحي ودموعي..
وأنتظرك تالي عمري وعن شوقي لك
مالي رجوعي..ووربوعي..
انت الشمس التي تسطع بحياتي سطوعي..
اشتقتلك يابعد روحي..
متى تعود..
ويعود شوقنا..
يأمرني وانا له أطيعي..

يسلم قلبك وشريانك والوريد..
ويجعلك دايم الدوم سعيد..
دامك بخير..
هذا يكفيني..
ويزيد..

غير بسمتك وراحتك
تراني ابد ماأريد

اذا كنت ناسيني
والرساله ذكرتك فيني
حذف الرساله
وارجع انساني

دام ان حبي
على قولك يوطي الراس
مع السلامه حبيبي وارفعه راسك

لا تظن القلب بعد المذله لك يميل
اعتبرني يا سيدي في حياتك عابر سبيل

اذا طلع لك قلب وعرف تشتاق

تعال دورني تلقاني مكاني

وان كان قلبك نايم ما بعد فاق

خله الين يفوق مع جرح ثاني

ابشرك ما عاد يوجعني فراق

واقسى وجع فيني يزول بثواني

من انا بحياتك؟؟

مجرد حبيب تسليت معاه

وبالنهايه تركته!

مجرد ذكرى مرت

بحياتك ونسيته!

أو معلم حبيبت يعلمك الغرام

وبالاخير جرحته

كلي اسف يا من اخطيت اختياري

كنت لي عزوتي وناسي

مدري انك اول اعدائي

سو اللي براسك ولا تذكر أسباب
لا صرت بايعني توكل على الله
مراح تغلبني لو الحب غلاب
من حضرتك عشان قلبي تذله

خلك في قسوتك و مع الصبر خليني ان كان هجرك يرضيك انا اللي يرضيك يرضيني

لاتزرع الحب في قلبي أخاف يطلع وماتسقيه تكون سبب جرحى واعيش العمر اداويه

مالك نصيب في دنيتي ومالي نصيب في دنيتك خلني اعيش بحسرتي وانت تهنى بدنيتك

بعد هذا الشقا كله تبيني لرجعتك اشتاق حسافه جيت متاخر بعد ما ماتت اشواقي

دنيا غريبه للاسف الدمع فيها مايجف هذي حياة اللي يحب يقضي حياته في تعب

يمكن طيبتي غلطه تجازيني بها الايام..
تعلمني اكون قاسي ..واخلي عيونهم
ماتنام..خذوها سيرتي لعبه..وزادو بي
الجروح والام..نسوا انه الزمان يدور..
وان ربهم علام..مصير الدنيا تجلاحهم..
ويطعنهم كلامهم بسهام!!

بعض المواقف
تجي وتروح ماتبقى
وبعض المواقف
صداها بالعمر باقي
ياصاحبي لا معي تتعب ولا تشقى
يتبدل الوقت
وأخلاقي هي أخلاقي
إن جيت أرحب
وإن ما جيتني تبقى
أكثر إنسان عزيته
من أعماقي ..

من بيبقالي إذا عني تخليت
إنت الوحيد اللي بعمري بقالي ..
الحب ماهو بس خذني أنا جيت
الحب وقفه بين غالي وغالي
أحلم بشوفك
شوفة الحي للميت
اللي عن أيامه
أخذته الليالي

في غيبتك
قلبي فقد من يسليه
من كثر حبك حلف مايخونك
في غيبتك
قلبي تتحطم أمانيه
وكرهت كل العالم
وحبيت كونك
في داخلي إحساس
أجهل معانيه
بس الأكيد ..الأكيد
إن المشاعر يبونك ..!!

إن كان تعذيبي
يسرك ويرضيك
عطني عذاب وخذ بداله سعاده
أهجر على كيفك
وزود تحديك
وأنا بدال الهجر
أحبك زياده
لك مني أبكي كل مامر طاريك
لين البكى يصبح مع الوقت عاده
مهما حصل ماني بناسيك
إسمك نقشته دمع فوق والوساده

باودعك ..
وأقول أنا قلبي معك
باودعك..
وإيدي تبي لمة يدك ..!!
وأنفاس روحي تحتضر ..
في ضامري مثل الجمر ..
أمشي مع الدرب القديم
أهوجس بحظي العتيم..
وأندب على ذاك الزمان ..
اللي أختفى منه الأمان ..
وضاع الحب ...؟؟!!

أدري إنك ياحبيبي من زمان لي تخون
وأدري إنك مايهمك إن زعلت ولا رضيت
وأدري إن الوقت ظالم وإنك أظلم من تكون
صاحت عيوني الفقيره دمعها أدمى الجفون ..
ماغفت لحظه جفوني من زمان ماغفيت..

عــسـى الله يهـنـيــــــــك..
(( حـنـــا مـــع الأيـــــام ))
نـدلـــــــه وننـســــــــاك..
(( كنت الرجـــا ))
واليـوم خـــاب الرجــــا فيك..!!
ارخـصــت ماضــيـنا وغـيـــرت مبــــداك

وحدي بدنيا بها روحي اطلعت..
فاقد الاحساس ماعنده شعووور..
الهوى مابيه، أنا روحي اشبعت!
وش يفيد الجرح لووو كـــلي كســــــــور؟

وصيت ربعي ليا ذبحني غلاكم
قدام بيتك بالثرى يدفنوني
ترتاح روحي يوم اجي في ثراكم
وليا وحشتك قلهم يظهروني
هذا الوعد واحسن الله عزاكم
واليا مشيتوا فوق قبري اذكروني

من راح على كيفه وكيفه يوديه
خله على كيفه وكيفه يجيبه
خله على كيفه زمانه يوعيه
لابد من يوم يذكر حبيبه

وشــــلون بينساك قلــبي وأنت خابرنــي
طاري الجـــفا لا طرالـــي تـــرجـف عظامي

كنت محلم بغيرك
كنت مرضى بديلك
وكل ماتبعد اجيلك
واليوم لاماني اسيرك
كنت مالك محبتي
كنت اهلي وعزوتي
كنت تحلي دنيتي
بس البعد اصبح رغبتي
خلاص ابعد وانسى
لاتجبرني عليك اقسى
حياتي بعدك احلى
ارجوك ابعد وانسى

عند الكرامه ابيعك وانت خابرني ..
ماعمر احد راح من كيفه وناديته ..
إن كان قصدك هجر رح واهجرني..
ابوي لاصد عني ماترجيته..

خل الصديق اللي غدر فيني يســـلـيك
واعرف ترى من خـــــــــــان لأجلك
يخــــــــــــــــــــــــــــونك..!!

حاسب ضميرك ولاتحاسبني على هجرك..!!
واحسب حسابك من اليوم مااااااابيك..!!!!

انا ماني على خبرك حزين واكسر الخاطر
اذا راجع تبي تلعب بعيد العبها يا شاطر

وصفك نسيته بس باقي ملامحـك ... بنهيـك وانهـي بالنهايـة جنونـك
ما تستحق أمد كفي واصافحـك ... مثلك غلط عمري وابحيا بدونـك
لكن خسارة صرت غايـة مصالحـك ... ياليتنـي ماجيت لحظـة بكونـك
واليوم من صفحة حياتـي ابمسحـك ... هديت صرحـك ثـم طاحـت اركونـك

مالي مزاج..
ارجع اقلب دفاتر..
اوراقها تجريح..
وسطورها عتاب..
مالي مزاج..
انظر لصورة قديمه
فيها الملامح تضحك..
بوجه كذاب..

يمطر لغيري من حنانك سحابك ..
ويموت قلبي ظاميٍ بين أياديك ..
رجيت عطفك بس طال الرجا بك..
لين انقطع باليأس كل الرجا فيك..

الجسد موجود والروح ارحلت!!
والزمن غدار،، لكني صبور..
عيني اللي من عنا الوقت أدمعت..
حزنها ياخوي شيد له جسور..

إش فايدة نبكي على شي قد راح
وإحنا قتلنا الحب من دون رحمة
المشكلة جيتك وبي حب يجتاح
جيتك طفل محتاج من الوقت ضمه
جيتك وله وأشواق والشوق فضاااح
رد الصدى ياصاحبي صاحبك راااااااااااح!
ومن يومها كل الفرح صار صدمة

طمـنوني شـلونـهـا كيـف حـال عـيـونـهـا
الله يـسـامح هـالـزمـن خـلانـي أحـيا بـدونها
مـدري كـيـف أوضـاعـهـا ؟
عـصاها الزمن أو طاعـها ؟
تسعـدها ذكراهـا معي أو تـزيـد أوجـاعـهـا
الحـب بعـدي شـافـته والا مـثـلي عـافـتـه ؟
تضحك حياتي وتبتسم والا حـزينه وساكته ؟

وش حيلتي مادام حظي عصاني ,,, أصبحت عاجز حاير في مكاني
وخدي بدمع العين ياما كويته ,,, هذا القدر مكتوب والعمر فاني
لكن امانه كان موتي لفاني ,,, قبري تحطونه على باب بيته
يمكن إذا شافه بلحظة بكاني ,,, وإلا ترد الروح في نفس ميتة

تدري..
ان الجرح للمجروح دين ..
وانت جارحني وحقك اجرحك..
وين تبعد وانت في نفسك سجين..
وين تنسى وانت ناسيني معك..
كيف تفرح وانت تاركني حزين..
جرحك مثل ظلك يتبعك..

صعبه اذا خنت العهد...
وش عاد عذرك ينفعك...
تخسر حبيبك للابد...
ومايفيدك حتى مدمعك...
جرب تجافيني وتصد...
تلقى عيوني تودعك...

خطاي اني منحت الحب شخص وقابله بنكران
طمعت احسب طمع قلبي بحبك يكسب ارباحه
وعرفت انه ما تورثته من ابوي آدم طمع انسان
خسر ملك جنان وراحته باسباب تفاحه

أضحك وكني رايق البال خالي
والناس تحسدني وانا أموت بسكات
أقضي نهاري بالمزح والتسالي
واسهر بليلي في هموم معانات
غريبه هالدنيا على كل حالي
الحزن دايم ! والفرح بس لحظات
أبعرف يا بحر وش اللي بس سويته !
أنا لا عمري جرحت أنسان ولا عمري بكيته !
أبسكت يا بحر وأمشي وأخلي ضيقتي فيني
أبسكت وأبتعد عنك وأدور من يواسيني
تصدق يا بحر إني توقعتك تشيل الهـــــم
ولكني انصدمت أنك غرقت بدمعه من عيني

!.... حزينة ....!
" لحظة المغرب "
تموت الشمس مجبورة
!..... تكابر .....!
ودها ترجع
وتعطي الناس من نوره.
ترى هذا " أنا " بدونك
بنفس الشكل
" والصورة "

يا ناس وين اللي يفيد
المحبين ..
يشفق على قلبن تحسر
بدنياه ..
قلبي عشق بالحب ناس
مقفين ..
ولا له حياتن عقبهم كيف
نقواه ..
ابغى الحبايب..والحبايب
بعيدين ..
اللي عليهم يصرخ القلب
ويلاه ..

من يوم ما ذوقتني فرقاك ... والحزن في حياتي غرستة،،
شريت لي ثوب علشان لقياك ... راحت موضته ومالبسته،،
شريت لي عطر مازهاني بلياك ... له سنين بعلبته مالمسته

تذكر صاحبك وارجع
تقرب له ولو بالصوت
على آخر نفس واقف
تجي ولا يجيه الموت
واشوف الموت احرص منك
واشوف انك تبيه يموت
اخاف انك بعد موته
تحن وتفتح التابوت
اخاف من القهر تزعل
وتبكي يوم فات الفوت